بلشته گوک دیروز گوی گیانده

بزو خر جفتک و دینگو ‌پالانده

هوا ابری بهیعه،دره وارنه

حسن بلند هکارده،نردبانده

بورده بوم سر،صغری اغوز بیاره

مه یاد بمو قدیما مه پیسانده

شلوارده لا زومی اغوز شنیمی

بازی کاردمی تا وقت اذانده

مره یاد اینه خله تیله بازی

سه چهارتا ،چاله کنیمی درازی

بوریم سنگمر بازی که خله خاره

بوریم پشتک بازی بهو وچاره

بوریم هفت سنگ که نضب دارنه هواره

بلشته گوک بازم گوی گیانده

خدا رحمت هکانه آقاجانده

چه حالی داشتمی ،،چه خاطراتی

شیمی سنو زومی با هر دهاتی

سنو بازی چه حالی دا خدایی

سنو زومی امان به مثل ماهی

حسن کاتی ره دار،صغری بیعه ته

اغوزه باز بهی، دکان پیسون ته

دیار کاجه باورده باز شماره

دپوشته به به ی کاله قوا ره

دپوشته قواره،ساق پیچ دوسته

بازم چمتا به دوش بوریم تا لوسر

پیاده نشوهیم،سوار بواش خر

عزیز ریاحی/دیار